*میں مکّہ شہر میں اتنے قتل کرتا کہ !!!!!*

‏بارہ سال کا ایک بچہ ہاتھ میں تلوار پکڑے تیز تیز قدموں کے ساتھ ایک طرف لپکا جارہا تھا۔ دھوپ بھی خاصی تیز تھی، بستی میں سناٹا طاری تھا، یوں لگتا تھا جیسے اس بچے کو کسی کی پرواہ ہی نہیں۔ لپکتے قدموں کا رخ بستی سے باہر کی طرف تھا، چہرہ غصے سے سرخ تھا، آنکھیں کسی کی تلاش میں دائیں بائیں گھوم رہی ہیں، اچانک ایک چٹان کے پیچھے سے ایک سایہ لپکا۔ بچے نے تلوار کو مضبوطی سے تھام لیا۔ آنے والا سامنے آیا تو بچے کا چہرہ خوشی سے کھل اُٹھا۔ ہاتھ میں تلوار اور چہرے پر حیرت اور مسرت کی جھلملاہٹ دیکھ کر آنے ‏والے نے شفقت سے پوچھا: " میرے پیارے بیٹے! ایسے وقت میں تم یہاں کیسے؟" بچے نے جواب دیا: "آپ کی تلاش میں۔" اس بچے کا نام زبیر رضی اللہ عنہ تھا۔ باپ کا نام عوام اور ماں کا نام صفیہ رضی اللہ عنہا، یہ پیارے بچے رسول کریم صلّی اللہ علیہ وآلہ وسلّم ‏کا پھوپی زاد بھائی تھے۔ قصہ یہ پیش آیا تھا کہ مکہ مکرمہ میں افواہ پھیلی کہ پیغمبر رسولِ کریم ﷺ کو کفار نے پہاڑوں میں پکڑلیا ہے۔ مکہ میں دشمن تو بہت زیادہ تھے، اس لیے ایسا ہو بھی سکتا تھا۔ حضرت زبیر بن عوام رضی اللہ عنہ نے جن کی عمر بارہ سال تھی فوراً تلوار ‏اٹھائی اور اکیلے ہی شہنشاہ رسالت ﷺ کی تلاش میں نکل کھڑے ہوئے۔ آخر رحمت اللعالمین ﷺ مل گئے۔ سوہنڑے نبی کریم ﷺ نے اس حالت میں دیکھ کر حیرت سے دریافت فرمایا: "اگر واقعی کفار نے مجھے پکڑ لیا گیا ہوتا تو پھر تم کیا کرتے؟" اس بارہ سالہ محافظ ناموس رسالت ﷺ نڈر بچے نے جواب دیا کہ: *‏میں مکّہ میں اتنے قتل کرتا کہ ان کے خون کی ندیاں بہادیتا اور کسی کو زندہ نہ چھوڑتا۔"* تاجدار ختم نبوت ﷺ یہ بات سن کر مسکرائے اور اس جرأت مندانہ انداز پر اپنی چادر مبارک انعام کے طور پر عطافرمائی۔ اللہ تعالٰی کو یہ ادا بہت پسند آئی، جبرئیل امین علیہ السلام آسمان سے ‏نازل ہوئے اور عرض کی، یارسول اللہﷺ زبیر کو خوش خبری دے دیں کہ اب قیامت تک جتنے لوگ اللہ کے راستے میں تلوار اٹھائیں گے، ان کا ثواب زبیر بن عوام رضی اللہ عنہ کو بھی ملے گا۔ اللہ کریم سیدنا زبیر بن عوام رضی الله عنہ کی جرات کے صدقے ہمیں اپنے محبوبِ نعیم ﷺ کا سچا وفادار بنائے۔ آمین یارب العالمین 🕋 https://chat.whatsapp.com/JyIhtO4iMu19SCJWjTIKZd